Grate Worrier's of Ajinkyatara

Grate Worrier's of Ajinkyatara 

अजिंक्याताराचे लढवय्ये : किल्लेदार प्रयागजी आणि मावळे

औरंगजेबाशी कडवी झुंज देणारे अजिंक्यताराचे किल्लेदार प्रयागजी आणि तत्कालीन कामी आलेले सर्व मावळे..

मराठ्यांची राजधानी सातारा..... काबीज करण्यासाठी औरंगजेबाने सातारच्या किल्ल्यावर स्वारी केली. त्यावेळी किल्ल्याचे किल्लेदार प्रयागजी अनंत फणसे हे होते. या लढाईत त्यांनी पराक्रमाची शर्थ केली. औरंगजेबास मराठ्यांची राजधानी सातारा सहज काबीज करु असा फाजील आत्मविश्वास होता. पण प्रयागजी आणि त्यांचे मावळे यांनी त्याला चांगलेच जेरीस आणले होते. औरंगजेबास त्यांनी सातारचे पाणी काय असते हे चांगलेच दाखवले होते.


विशेष म्हणजे जेव्हा मंगळाईचा बुरुज उडाला तेव्हा औरंगजेबाची मती गुंग झाली होती. त्याला 10-15 दिवस त्या धक्क्यातून सावरायला लागले होते.

औरंगजेबाच्या अवाढव्या सैन्यापुढे न डगमगता प्रयागजी यांनी किल्ला जवळजवळ 3/4 महिने शर्थीने लढवला.

मंगळाईचा बुरुज उडाल्यानंतर अजिंक्याताराच्या मागील बाजूस किल्ल्यावरुन खाली आलेले मोठ मोठे खडक आजही इतिहासाची साक्ष देतात.

अजिंक्यातारा सातारा येथे झालेल्या घनघोर युद्धाचे ना. स. इनामदार यांनी `शहेनशहा`या कादंबरीत केलेले वर्णन रोमांचीत आहे. ते वाचून सातारकरांची छाती अभिमानाने भरुन येते